17 de outubro de 2018

XXIV TORNEO DO ROSARIO

Chegamos a unha nova edición do Torneo do Rosario.

Será o vindeiro sábado día 20 en Artesanos, na rúa San Andrés.

Dende ás 17,00, seis partidas a 15 minutos.

Trofeos para os tres primeiros nas categorías absoluta, veterans (nados en 1962 ou antes).

Inscricións en correo@agax.org

A cota de participación é de 2 euros (de balde para socios de AGAX e de Artesanos).

Todos os asistentes recibirán un libro de agasallo.

12 de outubro de 2018

TARDE DE PARTIDAS, VENRES 12

Tarde de partidas – Torneo Amigable.

Como actividade previa ao Torneo do Rosario que debe celebrarse este mes.

No que queda de ano tentaremos motivar cada mes unha actividade deste estilo. Algo en plan torneo pero sen tanta formalidade, proba amigable non competitiva. O motivo é que os torneos están suxeitos a unha serie de normas de seguros e demais que non afectan á práctica libre deportiva.

Será no Círculo de Artesanos, de 17,00 a 20,30.

Organizaremos partidas a 15 minutos.

Haberá unha pequena cota de 2 euros por participante.

De balde para os socios de Artesanos e de AGAX.

Libro de agasallo para todos os participantes.


28 de agosto de 2018

XXIX ANIVERSARIO

Empezamos un novo curso este sábado día 1.

Para retomar o ritmo de partidas invitamos a todos a participar nunha tarde de partidas.

A xornada, na que AGAX cumpre 29 anos, será nas instalacións da Zapateira do Sporting Club Casino na Zapateira.

Empezaremos ás 17,00 e serán cinco partidas por sistema suizo ata ás 19,30 aproximadamente.

Esta vez non entregaremos trofeos. Haberá libros para todos e medallas para os xogadores sub14.
Ademais os primeiros de cada categoría (senior, absoluta, sub14, sub12, sub10 e sub8) recibirán unha medalla de maior tamaño.

A proba é de balde para os socios do Sporting Club Casino e de AGAX.

Para o resto a cota será de só 2 euros, destinada aos gastos da fundación dunha nova entidade xadrecistica.

Lembramos que é obrigatorio ou ven estar federado neste 2018 ou ser socio do Sporting Club Casino.

INSCRIBETE

31 de xaneiro de 2018

Morreu Domingos Merino

Ven de falecer un dos mellores xadrecistas galegos; Domingos Merino, quen ademais foi alcalde da Coruña.
No seu retrato oficial na galería de alcaldes na Casa do Concello figura cun taboleiro de xadrez.
Nos últimos meses AGAX e a familia de Merino contactaron para facer unhas actividades de homenaxe, que deberían celebrarse no mes de xuño.
O noso pésame á familia e amigos.

8 de xaneiro de 2018

Resultados do Torneo Dúas Torres

O torneo realizado en Vilalba para pechar o ano, tivo os seguintes resultados:

Clasificación Absoluta:

1 DIEGO FLOREZ,  ABS   5 5 15.5 15.0 9.0
2 BORJA SANCHEZ,  ABS   4 4 13.0 12.0 7.0
3 JESUS QUINTAS,  ABS   3 3 16.0 12.0 9.5
4 ANA BELEN SEIJAS OTERO,  ABS   3 3 14.5 10.0 8.5
5 RICARDO PEREZ,  ABS   3 3 14.5 9.0 8.5
6 FLORENCIO GONZALEZ,  ABS   3 3 13.0 8.0 7.5
7 PEDRO SEIJAS,  ABS   2.5 2 13.0 6.5 7.0
8 CARLOS FREIRE BOUDON,  ABS   2.5 2 11.5 8.5 7.5
9 MANUEL VILARIÑO,  ABS   2.5 2 10.0 6.5 6.0
10 ADRIAN FERNANDEZ MUJIN,  ABS   2 2 9.0 5.0 5.0
11 ROBERTO BLANDON,  ABS   1.5 1 11.5 4.5 7.5
12 JOSE ABELAIRA,  ABS   1 1 12.5 5.0 7.5
13 JUAN PETEIRA,  ABS   1 1 11.0 2.0 6.0
14 JOSE MANUEL ANDION,  ABS   1 1 10.0 1.0 6.0

Clasificación Sub14:

1 MARTA QUINTAS,  S12   5 5 15.0 15.0 8.5
2 PAULA QUINTAS,  S14   4 4 15.0 13.0 8.5
3 ANTON VILARIÑO,  S10   3 3 15.0 8.0 8.5
4 PABLO PETEIRA,  S14   3 3 14.5 11.0 8.0
5 LUIS VEIGA,  S12   3 2 15.5 10.0 9.0
6 UXIO VILARIÑO,  S8   3 2 13.5 8.0 7.0
7 ANTONIO ROMAN,  S12   2 2 10.5 6.0 7.5
8 RAUL FREIRE,  S12   2 2 10.0 4.0 7.0
9 LUCAS GARCIA BARJA,  S12   2 2 9.0 6.0 6.0
10 DIEGO NOCHE,  S8   1.5 1 10.5 4.0 6.5
11 MARTIN GARCIA BARJA,  S10   1.5 1 9.5 5.0 6.5
12 RAMON ROMAN,  S8   0 0 9.5 0.0 5.5

Mais fotos

26 de decembro de 2017

Xornada en Vilalba

O vindeiro sábado día 30 despedimos este ano 2017 cunha xornada de confraternización para todos os xadrecistas interesados.
Será unha viaxe a Vilalba para pasar o día e disputar o I Torneo Dúas Torres.
Para os que queiran pasar o día con nos a saída do bus será dende o Centro Universitario de Riazor ás 11,00.
A comida é por conta de cada un dos asistentes e o torneo será a partir das 17,00 da tarde. A súa conclusión sairá o autobús de regreso.
No Torneo poden participar todos aqueles que o desexen con trofeos para os tres primeiros clasificados das categorías absoluta, sub14, sub12, sub10 e sub8
Para apuntaros a esta e outras actividades desta derradeira semana do ano, podes facelo no seguinte formulario:
PREME